កាលពីថ្ងៃទី១៣ ខែកក្កដា ឆ្នាំ២០១៥  មជ្ឈមណ្ឌលអភិវឌ្ឍន៍មុខជំនាញកម្ពុជា-ថៃ បានរៀប ចំពិធីទទួលវិញ្ញាបនបត្របញ្ជាក់ពីប្រព័ន្ធគ្រប់គ្រងគុណភាពតាមស្តង់ដារអន្តរជាតិ  ISO 9001 : 2008   ពីស្ថាប័ន  Guardia Independent Certification (GIC) ដែលមានទីស្នាក់ការនៅ ប្រទេសសឹង្ហបូរី ក្រោមអធិបតីភាពរបស់ លោក តឹប អឿន អគ្គនាយករងអបវនៃក្រសួង ការងារ និងបណ្តុះបណ្តាលវិជ្ជាជីវៈ និងលោក តាចាផាស ជូវិចៀន (Mr. Tachaphast Chuavichien)  លេខាទី១ តំណាងឯកអគ្គរាជទូតថៃឡង់ដ៍ប្រចាំព្រះរាជាណាចក្រកម្ពុជា  ។ អស់រយៈពេលជិត ១ឆ្នាំពេញ មជ្ឈមណ្ឌលបានខិតខំព្យាយាមក្នុងការអភិវឌ្ឍន៍ និងកែ តម្រូវទៅលើទម្រង់បែបបទដែលក្រុមហ៊ុន ISO ឲ្យបំពេញតាមលក្ខខណ្ឌដែលមាន។ តាម ការិយាល័យនីមួយៗនៃមជ្ឈមណ្ឌលត្រូវបានស្វះស្វែងរកឲ្យឃើញនូវព័ត៌មាននិងអ្វីដែលជាមុខចេញពិតប្រាកដដើម្បីដើរទៅឲ្យត្រូវទៅតាមទិសដៅតែមួយ។
មជ្ឈមណ្ឌលអភិវឌ្ឍន៍មុខជំនាញកម្ពុជា-ថៃ នៃក្រសួងការងារ និងបណ្តុះបណ្តាលវិជ្ជាជីវៈ ក្រោមកិច្ចសហប្រតិបតិ្តការនៅឆ្នាំ១៩៩៦    រវាងព្រះរាជាណាចក្រកម្ពុជា និងព្រះរាជាណា ចក្រថៃឡង់ដ៏ ចាប់ផ្តើមសាងសង់នៅឆ្នាំ១៩៩៧   ហើយសម្ភោធដាក់ឲ្យ ប្រើប្រាស់នៅថ្ងៃ ទី១៥ខែមិថុនា ឆ្នាំ២០០០ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្រី្ត នៃព្រះរាជាណាចក្រកម្ពុជា និង ឯកឧត្តមឈួន លិកផៃ អតីត នាយករដ្ឋមន្រ្តី នៃព្រះរាជាណាចក្រថៃឡង់ដ៏  ។
ជាមជ្ឈមណ្ឌលមួយដែលយកចិត្តទុកដាក់ទៅលើប្រព័ន្ធគ្រប់គ្រងប្របកដោយគុណភាព តម្លាភាព និងប្រសិទិ្ធភាព ក្នុងគោលបំណងអភិវឌ្ឍន៍វិស័យបណ្តុះបណ្តាលបច្ចេក ទេស និងវិជ្ជាជីវៈឲ្យកាន់តែមានការរីកចំរើនឆ្លើយតបទៅនឹងសេចកី្តត្រូវការទីផ្សារបច្ចុប្បន្នក៏ដូចពេល
អនាគត ក្នុងប្រព័ន្ធគ្រប់គ្រងនេះមានការិយាល័យចំនួន ៦​ និង ដេប៉ាតេម៉ង់ចំនួន២ គឺៈ
    ១-ការិយាល័យរដ្ឋបាល និងបុគ្គលិក
    ២-ការិយាល័យ ហិរញ្ញវត្ថុ
    ៣-ការិយាល័យ សិក្សាអប់រំបណ្តុះបណ្តាលបច្ចេកទេស និងវិជ្ជាជីវៈ
    ៤-ការិយាល័យទំនាក់ទំនងឧស្សាហកម្ម

    ៥-ការិយាល័យអភិវឌ្ឍន៏កម្មវិធីសិក្សា

​​​​    ៦- ការិយាល័យធានាគុណភាព

​​​    ៧-ដេប៉ាតេម៉ង់អគ្គិសនី

    ៨-ដេប៉ាតេម៉ង់រថយន្ត