នៅក្នុងការប្រកបអាជីពអ្វីក៏ដោយ លោកអ្នកត្រូវតែមានជំនាញពីរប្រភេទគឺ «ជំនាញទន់» និង «ជំនាញរឹង» ដែលភាសាអង់គ្លេសហៅថា hard skills និង soft skills។ នៅក្នុងទំព័រនេះ សូមនិយាយតែអំពីជំនាញទន់ ដែលជាជំនាញសំខាន់បន្ថែមពីលើជំនាញអាជីព។ សូមអស់ លោកអ្នកកុំគិតថាជំនាញទន់មិនសំខាន់ឲ្យសោះ ព្រោះកន្លងមកគេសង្កេតឃើញថាអ្នកខ្លះ រៀនចប់បរិញ្ញាបត្រ ឬបរិញ្ញាបត្រជាន់ខ្ពស់ ក៏មិនបំពេញការងារ ប្រកបដោយប្រសិទ្ធភាព ១០០% ដែរប្រសិនបើខ្វះជំនាញទន់។ សូមបញ្ជាក់ថាជំនាញ ទន់នេះ អ្នកខ្លះមាន អំណោយ ផលពីកំណើតតែម្ដង ប៉ុន្តែអ្នកដែលមិនមានពីកំណើតក៏អាចពង្រឹងជំនាញទាំងនេះបាន ដូច គ្នា។
១- ជំនាញខាងទំនាក់ទំនង (communication skills) ៖ មិនថាលោកអ្នកចាប់អាជីពជាអ្វី ធ្វើការនៅក្នុងការិយាល័យ ឬនៅទីសាធារណៈនោះទេ ការទំនាក់ទំនងជាមួយមនុស្សទូទៅ ពិតជាជំនាញសំខាន់ដែលមិនអាចខ្វះបាន។ មិនអាចខ្វះបានដើម្បីចាប់អាជីពដោយជោគ ជ័យ។ អ្នកខ្លះរៀនសូត្រចេះដឹង មានសមត្ថភាពធ្វើការគ្រប់គ្រាន់ ប៉ុន្តែមិនសូវ ប្រសប់និយាយ ឬនិយាយទៅគេស្ដាប់ទៅរាងភ្លាវ មិនសូវចូលត្រចៀកគេ។ មកពីមិនមានជំនាញខាងទំនាក់ ទំនងនៅក្នុងខ្លួន។ ទំនាក់ទំនងនៅក្នុងន័យនេះមិនសំដៅតែទៅលើការនិយាយច្រើនឬពូកែ និយាយបូរបាច់ប៉ុណ្ណោះទេ ពោលគឺការនិយាយដែលមានអនុភាពទាក់ទាញចំពោះអ្នក ស្ដាប់។
ប្រសិនបើគេនិយាយអំពីអាជីពនយោបាយ អ្នកនយោបាយត្រូវតែពូកែផ្នែកវោហារដោយមិន ប្រកាន់ថានិយាយខុស ឬនិយាយត្រូវទេ។ សំខាន់និយាយដោយទំនុកចិត្ត។ សូមអានអត្ថ បទដែល TheBNEWS ចុះផ្សាយកន្លងទៅពាក់ព័ន្ធនឹងវិធីធ្វើឲ្យខ្លួនឯងមានអនុភាពទាក់ ទាញអ្នកដទៃ…..
២- ជំនាញខាងចាត់ចែង រៀបចំឲ្យមានសណ្ដាប់ធ្នាប់ និងរបៀបរៀបរយ និងជំនាញ ខាងគ្រប់គ្រង (organization and management) ៖ នៅពេលលោកអ្នកមាន ជំនាញនេះនៅក្នុងខ្លួន វាធ្វើឲ្យមនុស្សមានស្មារតីទទួលខុសត្រូវ និងស្គាល់តួនាទីរបស់ ខ្លួនត្រូវធ្វើអ្វី។ ម្យ៉ាងទៀតវាជួយឲ្យមនុស្សអនុវត្តផែនការណ៍ និងការងារប្រចាំថ្ងៃប្រកប ដោយប្រសិទ្ធភាពខ្ពស់។ ពុំនោះទេ ការងារនោះមានលក្ខណៈរាត់រាយគ្មានវិន័យគ្មាន សណ្ដាប់ធ្នាប់ គ្មានរបៀបរៀបរយ ឬភាសាសាមញ្ញាហៅថា «ឆ្គង»។ ក្នុងនាមជាបុគ្គល ដែលមានរបៀបរៀបរយ មានន័យថាគេគោរពពេលវេលា – ពេលធ្វើការ ត្រូវផ្ដោតការងារ ជាសំខាន់ជាជាងយកម៉ោងការងារទៅធ្វើអ្វីមួយក្រៅសាច់ការដូចជានិយាយទូរស័ព្ទរាប់ ម៉ោង។ល។
ជំនាញគ្រប់គ្រងក៏រឹតតែសំខាន់ទៅទៀត។ នៅពេលបុគ្គលម្នាក់មានជំនាញគ្រប់គ្រងនៅក្នុង ខ្លួន គេអាចគ្រប់គ្រងអ្វីៗគ្រប់យ៉ាងឲ្យមានសណ្ដាប់ធ្នាប់ និងប្រព្រឹត្តទៅដោយរលូន។ គ្រប់គ្ រងនៅក្នុងន័យនេះ គឺចាប់ផ្ដើមពីខ្លួនឯង។ កុំទាន់ឈានទៅគ្រប់គ្រងអ្នកដទៃ សំខាន់គឺគ្រប់ គ្រងខ្លួនឯងឲ្យតែបានសិនទៅ។ គ្រប់គ្រងខ្លួនឯងមានដូចជា ៖ ១- គ្រប់គ្រងសុខភាពខ្លួនឯង ទាំងសុខភាពផ្លូវកាយ និងសុខភាពផ្លូវចិត្ត។ ២- គ្រប់គ្រងធនធាន គ្រប់គ្រងពេលវេលា គ្រប់គ្រងការងារ។ល។ ប្រសិនបើបុគ្គលម្នាក់គ្មានជំនាញខាងចាត់ចែងឲ្យមានរបៀបរៀបរយ និងជំនាញខាងគ្រប់គ្រងទេ ទោះបីអ្នកនោះមានចំណេះវិជ្ជាជ្រៅជ្រះក្នុងវិស័យអ្វីមួយក៏ បំពេញការងារមិនមានប្រសិទ្ធភាព ១០០% ព្រោះកុំភ្លេចពាក្យចាស់បុរាណមួយឃ្លា «ដំរីជើង បួនគង់មានភ្លាត់ អ្នកប្រាជ្ញចេះស្ទាត់គង់មានភ្លេច»។
៣- ជំនាញចរចាបញ្ចុះបញ្ចូល និងសម្របសម្រួល (negotiation) ៖ នៅក្នុងពេល សម្ភាសការងារ ប្រសិនបើអ្នកណាពូកែខាងផ្នែកនេះអាចអន្ទងចិត្តនិយោជកឲ្យទទួលយក លោកអ្នកចូលបម្រើការងារនៅក្នុង អង្គភាពរបស់គេ។ លោកអ្នកអាចសុំបាន ប្រាក់ខែខ្ពស់ និងទទួលបានមុខតំណែងល្អអាស្រ័យ ដោយសារជំនាញនេះ។ នៅក្នុង មុខរបររកទទួលទាន អ្នកខ្លះអាចទិញទំនិញបានថោកអាស្រ័យដោយសារគេពូកែតថ្លៃ។ គេពូកែតថ្លៃដោយសារ គេមានជំនាញខាងចរចាបញ្ចុះបញ្ចូល។
៤- ជំនាញខាងវិភាគស៊ីជម្រៅ (critical thinking)៖ ជំនាញនេះជួយឲ្យលោកអ្នកមើល ឃើញ បញ្ហាដែលកើតមានចំពោះមុខ និងរិះរកដំណោះស្រាយទុកជាមុនដើម្បីជៀសវាង «ទឹកលិចដល់ច្រមុះហើយ ទើបខំប្រវេប្រវារកគ្រាបន្ទាល់»។ ក្រៅពីនេះលោកអ្នកក៏អាចមាន គំនិតច្នៃប្រឌិតថ្មីៗ ហើយមិនសូវចម្លងគំនិតពីគេ។ បើទុកជាចម្លងពីគេក៏មិនចម្លងទាំងដុល ដែរព្រោះចេះកែច្នៃ និងសំយោគបង្កើតគំនិតថ្មី។
៥- ជំនាញខាងសហការគ្នាក្នុងអង្គភាព និងជំនាញខាងដឹកនាំក្រុម (teamwork and delegation) ៖ ការងារមួយអាចចេញជាលទ្ធផលល្អ អាស្រ័យដោយសារបុគ្គលិកក្នុង អង្គភាពចេះសហការគ្នា ធ្វើការស៊ីសង្វាក់គ្នា (teamwork)។ ប្រសិនបើនៅក្នុងអង្គភាពមួយ មនុស្សធ្វើការគ្មានឯកភាពគ្នា មិនចេះយល់ចិត្តគ្នា នោះការងារមិនអាចប្រព្រឹត្តទៅដោយ រលូន និងមិនអាចទទួលលទ្ធផលឆាប់រហ័សទាន់ពេលវេលាទេ។
៦- ជំនាញខាងស្រាវជ្រាវ និងវិភាគទិន្នន័យ (research and analysis) ៖ ការនិយាយអ្វី ឬប្រកបអាជីពអ្វីដោយគ្មានការស្រាវជ្រាវ និងវិភាគឲ្យបានល្អិតល្អន់ទេ អាចមិនសូវជោគ ជ័យទេព្រោះធ្វើទៅព្រាវៗឬគិតស្មានៗ ប្រាសចាកអ្វីដែលកើតមាន នៅក្នុងទិដ្ឋភាពជាក់ ស្ដែង។ ជំនាញខាងស្រាវជ្រាវ និងវិភាគទិន្នន័យនេះហើយ ដែលនាំឲ្យគេអាចស្រាវជ្រាវ ឃើញរបកគំហើញថ្មីៗ និងអាថ៌កំបាំងថ្មីៗ។
៧- ការពង្រឹងទំនុកចិត្តលើខ្លួនឯង (confidence) ៖ ទោះបីជាលោកអ្នកនៅមានគោល ជំហរទន់ជ្រាយចំពោះខ្លួនឯងយ៉ាងណាក្ដី ក៏គួរតែខំព្យាយាមពង្រឹងជំនាញនេះឲ្យបានខ្លាំង។ ការធ្វើអ្វីប្រកបដោយទំនុកចិត្ត វាជាគន្លឹះសំខាន់ខ្លាំងណាស់ សម្រាប់នាំឆ្ពោះ ទៅរក ជោគជ័យ។ អស់លោកខ្លះមានទំនោរទៅរកភាពអវិជ្ជមាន។ នៅពេលដែលចាប់ផ្ដើម ធ្វើអ្វីមួយមិនទាន់ដឹងលទ្ធផលយ៉ាងណាផង ក៏ថ្លែងរឿងអស់សង្ឃឹមទុកមុន ឬមានគំនិត ទុទ្ទិដ្ឋិនិយមទុកមុន។ ធ្វើរបៀបនេះនាំឲ្យមនុស្សអស់អារម្មណ៍ឬអស់ទឹកចិត្តនឹងប្រឹង។ ដូចនេះ ទោះបីលទ្ធផលទៅជាយ៉ាងណាក៏ដោយសំខាន់ត្រូវលោកអ្នកមានទំនុកចិត្តលើខ្លួន ឯងជានិច្ច ថាត្រូវតែធ្វើឲ្យចេញជាលទ្ធផល ហើយតស៊ូដល់គ្រាបញ្ចប់៕
(ដកស្រង់ចេញពី The Business News)