ក្រសួងការងារនិងបណ្តុះបណ្តាលវិជ្ជាជីវៈ បានអញ្ជើញនាយកមជ្ឈមណ្ឌល អភិវឌ្ឍន៍មុខជំ នាញកម្ពុជា-ថៃ ដើម្បីចូលរួមសិក្ខាសាលានៅសណ្ឋាគារហ៊ីម៉ាវរី (HIMAWRI Hotel) ស្តីពី “ការបញ្ចូលទិន្នន័យក្នុងប្រព័ន្ធ TVETMIS (TVET Management Information System Data Entry)
ប្រធានបទនៃអង្គសិក្ខាសាលានេះរួមមាន:
        ១- គោលបំណងនៃការបញ្ចូលទិន្នន័យក្នុងប្រព័ន្ធ TVETMIS
        ២- កំណត់ពីទម្រង់ចុះបញ្ជីការគ្រឹះស្ថាន I1, T1, PS, S1, PL
        ៣- ពន្យល់ពីលំហូរនៃការបញ្ចូលទិន្នន័យក្នុងទម្រង់នីមួយៗ
៤-បរិយាយពីអត្ថប្រយោជន៍នៃការបញ្ចូលទិន្នន័យក្នុងប្រព័ន្ធTVETMISនិងអត្ថ ប្រយោជន៍ផ្សេងៗ ពាក់ព័ន្ធនឹងការស្នើសុំទៅក្រសួងសេដ្ឋកិច្ចហិរញ្ញវត្ថុ និងម្ចាស់ជំនួយ ផ្សេងៗ។
    សិក្ខាសាលាបានចាប់ផ្តើមនៅម៉ោង៨:៣០នាទីព្រឹក ក្រោមអធិបតី ឯកឧត្តម ឡៅ ហ៊ីម អគ្គនាយកកិច្ចការអប់រំបណ្តុះបណ្តាល និងវិជ្ជាជីវៈ នៃក្រសួងការងារ និងបណ្តុះបណ្តាល វិជ្ជាជីវៈ លោក Professor Mate អ្នកជំនាញការ  និងចំណុះសិក្ខាកាមផ្សេងៗ ដែលមានចំនួន ៩៣នាក់ ហើយមានរយៈពេល ០១ថ្ងៃ។
    សិក្ខាសាលានេះមានបំណងលើកកម្ពស់សមត្ថភាពទៅលើមន្រ្តី និងគ្រូបង្គោល ដែលធ្វើ ការបញ្ចូលទិន្នន័យក្នុងប្រព័ន្ធ TVETMIS ឲ្យសមស្របទៅតាមគោលដៅដែល នាយកដ្ឋាន TVET ចង់ឲ្យមន្រ្តីទទួលបន្ទុកលើការងារខាងលើនេះមានសមត្ថភាពគ្រប់គ្រាន់ និងឆ្លើយតប ទៅនឹងផែនការរបស់ក្រសួងដែលបានកំណត់។ មួយវិញទៀត សិក្ខាសាលាបាន ពន្យល់ ពីអត្ថប្រយោជន៍ផ្សេងៗ ដែលបានទាក់ទងនឹងភាពត្រឹមត្រូវក្នុងការបញ្ចូលទិន្នន័យក្នុងប្រព័ន្ធ TVETMIS ក្នុងការធ្វើផែនការទៅក្រសួងសេដ្ឋកិច្ចហិរញ្ញវត្ថុ និងម្ចាស់ជំនួយផ្សេងៗដើម្បីស្នើ សុំថវិការក្នុងការទ្រទ្រង់លើវគ្គបណ្តុះបណ្តាលនានា។
    អង្គសិក្ខាសាលាបានបញ្ចប់នៅរយៈពេល ០១ថ្ងៃ វេលាម៉ោង៥:០០នាទីល្ងាចក្រោម ការដឹកនាំរបស់នាយកដ្ឋាន TVET ប្រកបដោយបរិយាកាសរីករាយ និងភាពស្និតស្នាលព្រម ទាំងជូនពរដល់អង្គសិក្ខាសាលាទាំងអស់ក្រោយពេលត្រឡប់វិញទទួលបាននៅសុវត្តិភាពតាមផ្លូវ និងទទួលយកចំណេះដឹងទាំងនេះដើម្បីអភិវឌ្ឍន៍សាលារៀងៗខ្លួន។